Schlittelwochenende 2015

Matt Weissenberge GL

Uiuiuiuiuiuiuiui, es isch wieder sowiit, zSchlittelweekend vum AT Wakanda staht ufem Programm. Hoffentli het der Kari, der Wirt usem Gasthaus Weissenberge renoviert sit letscht Jahr :) ähhh nei , meine denk der Chüelschrank gfüllt :).

Rund 15 Personen us üserem Verein hend am 31.01.2015 um 14.30 Uhr ader Bergstation Weissenberg abgmacht fürs Wuchenendi. Chum dobbe sind natürli zJeannette und de Willi bereits parat gsi mit em Welcomedrink :) Aperol und Champagner hets gi :) Nach es par Gläsli denn simmer alli zämä zum Resti gange und hend zur Sicherheit schumal dZimmer bezoge. Jetzt aber gu Schlittle :) Chasch ja denke ... Der Willi bstellt schumal zwei Fläsche rote und de Karl mues erschtmal es Weize schlürffe :) Die einte Jägertee und die andere en Punsch, alli jetzt bereit fürd Abfahrt ? JEP los gats :)



Es isch ja sust schu kriminell uf dere Pischte, aber so wied Corinne mit ihrem BOB dur zTal abegschosse isch, das isch aso schu chli veruggt ...

Glaubsch nüd ? Ohhh doch , me het nur es schreie kört, und sust nix :)

Lueg mal de Video :) Viel Spass

Download
IMG_0981.mov
QuickTime Video Format 68.1 MB

Uf alle fäll sind alli heil 2x ist Tal chu und gsund zrugg im Resti. Natürli hemmer nu en Abstecher uf de Chinderhügel gmacht und hend det der berüehmti Tazelwurm präsentiert, läck isch das luschtig gsi.

Download
IMG_0983.mov
QuickTime Video Format 39.1 MB

Jetzt hemmer aber langsam hunger. Fondue , Salat , alles was das Herz begehrt het der Kari uftisched.

Nach dem Schmaus simmer der numal ist Tal abegschlittelt und sofort wieder zrugg ist Resti. Nur gschlittelt :) Mächtigi kämpf nebed der Piste hets gi :)



Nachem Nachtschlittle hets Jeannette gmeint, Jetzt müemer langsam Gas gi :) Nachdem der Wirt aber kei Amaretto Sauer me ka het hemmer den mit de Flämmli aagfange. Der gross Teil isch aaschlüssend ist Bett und die einte hend aagfange intensiv übers Vereinslebe zdisskutiere :) De Kari und sini Frau sind bereits hei und mir hend nüt me chenne bstelle, zum Glück chame de Karl und de Rico au als Chellner bruche und so hend de das eint oder ander Bier nu müese liiide. Alles in allem en glatte abig gsi.

 

Am Morge nacheme feine zMorge und em Kassesturz sind die einte gu laufe und die andere durab hei ufs Kanapee...

 

Es cools Weekend super organisiert vum Jeannette, mir freuet üs bereits ufs nexte :)

 

Grüessli , Karl

 

 

Mehr Fotos in der Gallerie...

En Kommentar chender grad unde schriibe , würed üs freue


Kommentar schreiben

Kommentare: 2
  • #1

    agility-wakanda (Montag, 23 Februar 2015 16:36)

    Hallo zämä , gern döffeder da en Kommentar abgi :)
    Danke Jeannette fürs organisiere :) bis bald

  • #2

    Jeannette (Dienstag, 24 Februar 2015 14:45)

    Hey Karl, das isch en mega Bricht, viele Dank.
    Es isch würkli en lässige Namittag und Abig gsy und dä mal simmer alli bravi gsy und händ normal gsüffelet.
    Sind au wieder eh uh luschtigi Truppe gsy, logisch sind halt Lüt vom ATW und die wüset wie mer fyre cha und diskutiere bis am morge früh. Tschüssi bis zum nächschte Alass.